W anielsczim grôfstwie Leicestershire doszło do célowégò dzejaniô na zaszkòdã ùczãstników kòlonie dlô dzecy z trëdnëch strzodowiszczów.
W niedzelã dwadzestégò sódmégò czerwińca służbë dostałë zgłoszenié, że dzecë na latny kòlonie w òstrzódkù we wsë Stathern w anielsczim grôfstwie Leicestershire zle sã czëją. Kòloniô bëła ùrządzonô przez charitatiwną chrzescëjańską òrganizacjã rëchtëjącą latné ferie dlô młodzëznë z trëdnëch strzodowiszczów. W czasu zdarzeniô w òstrzódkù bëła grëpa z Nottingham. Mediczny retownicë a téż szandarzë przëjachelë do òstrzódka pòstãpnégò dnia. W niedaleczim pubie zatrzimóny òstôł sétmëdzesąt szesc lat stôri chłop, jaczi ùczuł òbwinë célowégò òtrëcô dzecy. Jegò mòżebny mòtiw ani związk z ùczãstnikama kòlonie nie òstałë wëwidnioné. Rëgnãła téż wëdowiédzô, mającô wëwidnic, dlôcze służbë przëjachałë do òstrzódka dopiérze w pòniedzôłk, czej sprawa mòżebnégò zatrëcô dzecy òstała zaklasyfikòwónô jakno pòwôżnô. Terô ùczãstnicë są bezpieczny – part z nich pò badérowaniach ju wrócył dodóm z bòlëcë, a part jaczi ni miôł òbjawów zatrëcô òstôł òdebróny przez starszich i òpiekùnów zarô z òstrzódka w Stathern.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie