Szlaga warającô w pôłniowò-zôpadnym parce kraju ju mô zrobioné stolëmné zaszkòdë mieszkańcóm òbéńdów nad dobiérającyma rzékama. W Trzëgardze rëgnãłë pòdjimiznë pòmòcë dlô brëkùjącëch.
W niedzelã 15. séwnika òstałë ògłoszoné niezanôleżné òd se zbiórczi dlô mieszkańców pôłniowëch wòjewództw Pòlsczi, jaczi terô biôtkùją sã z drãdżima zôlewama całëch môlëznów. Kòżdi chãtny mòże pòmòc.
Gduńskô Fùndacjô ùrëszniła dëtkòwą zbiórkã na kùpisz brëkòwnëch sprzãtów, jaczé mają zmniészëc stratë. To mòże wpłacëc przez internetowi pòrtal do zdrzutków abò tradicjowi przesélënk. Fùndacjô zapòwiôdô téż òrganizacjã rzeczowi zbiórczi dlô kònkretny gminë dotkłi kataklizmã pò ùspòkòjenim stojiznë.
W Gdinie i Sopòce rëgnãłë rzeczowé zbiórczi. Òd pòniedzôłkù do letkòatleticzny halë Gdińsczégò Centrum Spòrtu (sz. Òlimpijskô 5/9 w Gdinie) a téż do sopòcczégò rôtësza (sz. Tadeùsza Kòscëszczi 25/27 w Sopòce) mòże halac wòdã, jestkù do dłudżégò przechòwiwaniô, strzódczi higenë, fùter dlô zwierzãtów abò naladowóné powerbanczi i baterie. Zebróné darënczi òstóną przekôzóné brëkùjącym.
Akùratné infòrmacje ò zbiórkach są pòdóné na òficjalnëch facebookòwëch starnach Gdinie, Sopòtu i Gduńsczi Fùndacje
https://www.facebook.com/FundacjaGdanska/
Gdiniô: https://m.facebook.com/Gdynia/
Sopòt: https://m.facebook.com/MiastoSopot/
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie