Òbrzészkòwé szkòlenia przed registracją psa dotądka dzejałë ju w aùstriacczi stolëcë.
Aùstriô przëjãła prawò, wedle jaczégò kòżdi, chto bãdze chcôł zaregistrowac miecé psa, a ni miôł niżódnégò przez òstatné dwa lata, bãdze mùszôł przódë przéńc przez sztërëgòdzynné szkòlenié. Pòrësziwóné na nim témë to wëbiér pasownégò tósza, spòdlé òpieczi nad zwierzëcym i rzeszącé sã z jegò miecym prawné òbrzészczi. Zjinaka ta wchôdô w żëcé òd zôczątkù dwa tësące dwadzestégò szóstégò rokù, ale ju òd dwa tësące dzewiãtnôstégò pilotażowò fùnksnérowała we Widnie. Doswiôdczenié pòkôzało, że òd ji wprowadzeniô w aùstriacczi stolëcë notérëje sã mni przëtrôfków interwencjów w związkù z lëchim traktowanim psów. Jak pòdôwô wiedeńsczi radny do sprôw dobrostanu zwierzãt Jürgen Czernohorszky, wiele taczich sytuacjów ùdało sã ùniknąc, bò lëdze planëjący nabëc psa doznôwelë sã na szkòlenim, że nie są gòtowi na òpiekã nad nim, a tej dobrowòlno òdpùscywelë ùdbã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie