Reklama

W Kartuzach òdemklë strzélnicã bez patrónów

Klëka

25/10/2024 10:49

Z Kaszëb, Kartuzach òdemklë strzélnicã patrónów - zdjęcie, fotografia

W nowi strzélnicë dlô pòlicjowò-wòjskòwi klasë liceùm na òsedlim Wëbicczégò dzejô system wirtualny symùlacje pòzwòliwający na mierzenié do elementów wëskrzëniwónëch na scanie.

W òbrëmim programù Ministerstwa Nôrodny Òbarnë „Strzélnica w krézu” w II Òglowòsztôłcącym Liceùm w Kartuzach w czwiôrtk 24. rujana òstała òdemkłô nowô strzélnica dlô ùczniów pòlicjowò-wòjskòwëch klasów, na jaką gmina Kartuzë dostała 200 tës. złotëch. Równak brëkòwnicë nowégò òbiektu nie wëstrzélą na nim ani jedny kùlë. Na strzélnicë są repliczi barnie ASG z laserowima mòdułama pòzwòliwającyma na mierzenié do òbiektów w wirtualny symùlacje wëskrzëniwóny na scanie. Symùlacjô pòzwòliwô m.jin. na próbòwanié sã z rësznyma célama abò strzélanim w rozmajitëch pòzycjach. Przëtomny na òdemkniãcym tegò placu wirtualnégò treningù bùrmèster Kartuz Mieczësłôw Gòłuńsczi zapòwiedzôł, że fùlnô strzélnica z jawernyma kùlama bãdze òdemkłô w przińdnym rokù na terenie Spòdleczny Szkòłë nr 2 w Kartuzach.

Òkróm bùrméstra Kartuz na ùroczëznie òdemkniãcô bëła téż bùrmésterka Żukòwa Mariola Zmùdzyńskô i krézowi kòmendant pòlicje w Kartuzach Tomôsz Juńsczi, ùczniowie liceùm a téż direktórka szkòłë, Kinga Seroczińskô.

H.S.Sz