Przërëchtowania do transpòrtu dérowałë wiele lat, czej òb czas akcje retaniô miesczich zaòstałosców jinszé bùdinczi bëłë rozbiéróné i skłôdóné òd nowa.
W gardze Kiruna w nordowi Szwédzce dzejanié lokalnégò czerpiska sprawiło pòrëszenia zemi, przez jaczé bëło nót pòrozbierac stôré bùdinczi i òdbùdowac je w nowim placu. Wëszëznë dałë sã na to, żebë przeniesc kòscół z tësąc dzewiãcset dwanôstégò rokù, wësoczi na trzëdzescë piãc métrów i szeroczi na sztërdzescë. Béł òn jednégò razu wëbróny nôsnôżészim kòscołã w Szwédzce sprzed tësąc dzewiãcset piãcdzesątégò rokù, są w nim òrganë z tësącã pipów, a téż wiôldżi òbrôz direktno przëlëmiony do jedny ze scanów, tak że nie jidze gò zdjic bez ùszkòdów. Òstónie przewiozłi w całoscë na samòbieżnëch mòdułowëch transpòrterach ò piãc kilométrów, do nowégò centrum gardu. Maksymalnô chùtkòsc transpòrtu szescsetsétmëdzesątdwatonowi kònstrukcje to piãcset métrów na gòdzënã, pòdérëje òn dwa dni, òsmënôstégò i dzewiãtnôstégò zélnika. Gard pòszérzwił szasé, rëmnął stojącé kòl niegò lampë i drogòwé widë, a téż rozebrôł jeden mòst. Kòsztë òperacje pòkrëje òperatór kiruńsczégò czerpiska żelazła.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie