We czwiôrtk dzesątégò lëpińca kòl gòdzënë dzesąti reno pòlskô pòlicjô dała do wiadë lëtewsczi, że do Lëtwë òd pòlsczi starnë nielegalno wjachało pòrsche czerowóné przez chłopa, jaczi nie zatrzimôł sã do grańczny kòntrolë. Kòl dwadzesce minut pózdni lëtewsczi szandarzë nalezlë aùtół w òkòlim gardu Òlita.
Szofra òdmôwiôł zatrzimaniô sã, a òb czas gòni w jednym sztóce zaczął strzelac do pòlicjowégò aùtoła z maszinowi barnie. Szandarzë nie òprzestelë za nim jachac. Téż òdpòwiedzelë ògniã, przez co pòrsche sã zapôlëło, a za sztót wëbùchło. Òd eksplozje zapôlił sã téż radiowóz, ale jadącym nim szandaróm nic sã nie stało. Rëgnãlë òni z szëkbą za czerowcą, docygającë, że zwiornął z wòzu zarô przed wëbùchã, ale òdjimk zrobiony z drona pòzwòlił zmerkac jegò zwãgloné cało w trôwie kòl aùtoła. Spôlony chłop to béł szescdzesątjedenlatny Viktors Konopeļkins z Łotwë, nôleżnik przesprawczich karnów szukóny òd ósmégò lëpińca w związkù z òbwinama ò dëbeltné mòrdarstwò w Ridze. W jegò aùtole bëłë wëbùchowé ladënczi i to òne sprawiłë eksplozjã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie