Sztërdzescë partiów mòże bëc zakażoné bakterią, jakô wëwòłiwô chòrosc mògącą prowadzëc do smiercë.
We Francje ògłosëlë wëcopanié sztërdzescë partiów sërów, w sëmie sto piãc produktów, ùwarzonëch przed pierszim czerwińca przez pòpùlarnégò producenta Chavegrand z sedzbą w departamence Creuse. Sanitarné służbë wëkrëłë zakażenié bakterią Listeria monocytogenes, jakô mòże wëwòłac listeriozã – chòrosc, co mòże sã rozwijac nawetka òsmë tidzeniów òd zatrëcô i zaczinô sã jak zwëczajné pòkôrmòwé zatrëcé, ale pòtemù stôwô sã wiele pòwôżniészô, mòże doprowadzëc do zapôleniô mùskù, sepsë i pòrzuceniô płodu ù niesamëch białków. Francësczé sanitarné służbë w pòspólnym kòmùnikace z ministerstwã gbùrzëznë pòdałë, że zakażonëch je dwadzesce jeden lëdzy, a dwùch ùmarło. Wëcopiwóné są w przédny rédze sërë przedôwóné we wiôldżich krómach. W jinszich eùropejsczich krajach òstrzédżi òbjimają pòjedińczné partie òd Chavegrandu.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie