Meksykańsczé krematorium przëjimało cała i je balsamòwało, ale nie przeprowôdzało kremacjów. Ùmarłi żdelë na swòjã pòsobicã.
We czwiôrtk dwadzestégò szóstégò czerwińca pòlicjô meksykańsczégò stanu Chihuahua dostała wiadã, że kòl jednégò krematorium w przëgrańcznym gardze Ciudad Juárez stoji aùtół z czile całama ùmarłëch w westrzódkù. Pò przëjachanim na plac, szandarzë nalezlë nié blós tëch czile w aùtole, le razã trzësta òsmëdzesąt trzë cała w rozmajitëch rëmach krematorium, czësto przëtrôfkòwò pòùkłôdóné jedno na drëdżim. Cała òstałë zabalsamòwóné, nôstarszé leżałë tam ju òd piãc lat. Krewnym ùmarłëch firma miast pòpiołu pò jich blëżnëch wëdôwała néżczi pò spôlanim jinszich substancjów. Nalazłé cała òstałë zabróné przez służbë do chłodniczich skrzëniów, a rozpòznóné òstóną w labòratoriach. Môlowi prokùratór Eloy Garcia òbwinowôł zarządzënã krematorium ò skrôwną niedbałosc. Òni a téż jich robòtnicë òdpòwiedzą za szachlarstwò przez przëjimanié zapłatów za nieprzeprowadzoną kremacjã, a téż za lëché òbchôdanié sã z całama ùmarłëch.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie