Na jednym z rëbnëch gbùrstwów we wejrowsczim krézu dwaji òbskôrżony mielë doprowadzëc do masowi smiercë stolëmny wielënë tãgòwëch pstrągów.
We wejrowsczim krézu szandarzë z Wejrowa zatrzimelë dwùch chłopów, jaczi wedle służbów Wëdzélu Kriminalnégò i do Biôtczi z Gbùrzëznowima Przesprawama na jednym rëbnym gbùrstwie mielë célowò zascygnąc dopłiw rzéczny wòdë do rëbińców, tim samim òdcynającë płiwającym w rëbińcach tãgòwim pstrągóm przistãp do krzisenia.
Na taczi ôrt zabilë wnetka 4 tonë rib, robiącë dlô gbùrstwa zaszkòdã òbtaksowóną na 100 tës. złotëch. Chłopi mielë téż ùkrasc part z zabitëch pstrągów, a wôrtnota ùkradłëch rib to kòl 1,5 tës. złotëch. Zgłoszenié ò przesprawie doszło do szandarów czile dni przódë.
Docygóny sprôwcë są mieszkańcama wejrowsczégò krézu, mają 39 i 45 lat. Prokùratura założëła na nich szandarsczi dozér, zakôz wchôdaniô na teren rëbnégò gbùrstwa i zbliżaniô sã do jegò miéwcë. Za przesprawã, ò jaką są òbwiniony, grozy jim do 5 lat sôdzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie