Sprôwca kradzeżë na smãtarzu we Wąglëkòjcach kòl Kòscérznë przëznôł sã do winë. Chcôł przedac platã przez Internet.
Kòscérsczi szandarzë zatrzimelë 37 lat stôrégò chłopa z kòscersczégò krézu, jaczi ùkrôdł òbtaksowóną na kòl 2,5 tës. złotëch platã z grobù ùmarłégò w 1972 r. dzecka ze smãtarza we Wąglëkòjcach. Zgłoszenié ò kradzeżë bëło przëjãté òd mieszkónczi gminë Kòscérzna w piątk 20. séwnika. Zdarzenié miało plac w czasu midzë 13. a 20. séwnika.
Plata òstała nalazłô dzãka pòmòcë mieszkańca Kòscérznë pòd wiôrztą mechù we wtórk 24. séwnika kòl dwa kilométrë òd smãtarza. Przódë zatrzimóny próbòwôł jã przedac – wëstawił w Internece ògłos, chtëren nalezlë pòlicjancë, chtërny przezérelë internetowé pòrtale. Dzãka temù chùtkò ùdało sã nalezc sprôwcã przesprawiégò. Òbskôrżony pò przesłëchanim przëznôł sã do zarzutów. Za to jemù grozy do 8 lat sôdzë za òbrabòwanié grobù.
Twoje zdanie jest ważne jednak nie może ranić innych osób lub grup.
Komentarze opinie