Nôkôz aresztowaniô wëdałë Niemcë, zatrzimóny òstôł w Italsce. Miôł bëc jednym z czerëjącëch akcją sabòtażu przesélënkù gazu z Rusczi do Niemiecczi.
W nocë ze strzodë dwadzestégò na czwiôrtk dwadzestégò pierszégò zélnika w môlëznie Misano Adriatico w italsczi prowincje Rimini karabiniérzë zatrzimelë sztërdzescë dzewiãc lat stôrégò Ùkrajińca Serhija K., winowónégò ò prowadzenié akcje wësadzeniô dwùch gazocëgów Nord Stream w séwnikù dwa tësące dwadzestégò drëdżégò rokù. Niemieckô prokùratura wëstawiła za nim Eùropejsczi Nôkôz Aresztowaniô. Wedle ni razã z grëpą jinëch òsób miôł wënajic jacht brëkùjącë falszëwëch dokùmentów i wëpłënąc z pòrtu w Roztoce, żebë dokònac atakù na rórë. Pò wësadzenim gazocëgów swòje teòrie przedstôwiałë rozmajité starnë: Ruscë òbskarżiwelë Amerikón, Amerikanie Ùkrajińców, a Ùkrajińcë Rusków. Serhij K. òstónie wëwiozłi do Niemiec, gdze kanie przed sądã. Ò jegò mòtiwach ani wespólnikach na terô nie je nic wiedzec.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie