Reklama
Żëczba smiercë lëchò sczerowónô
13/02/2026 15:29
Zarzek gazétnika òb czas transmisje z òbchòdów państwòwégò swiãta narobił tôklów wiele lëdzóm.
We strzodã jednôstégò gromicznika w Iranie przëstojnicë rządu fejrowelë sztërdzestą sódmą roczëznã islamsczi rewòlucje. Jeden z lokalnëch karnôlów państwòwi telewizje pòkazéwôł marsz z leżnoscë swiãta w gardze Zahedan. Gazétnik Mùsab Rasulizad wëmieniwôł zéwiszcza, jaczé skandowała hurma. W jednym sztóce wërzekł słowa: „Smierc Chameneiowi”. Czej padło nôzwëskò nôwëższégò wódcë Iranu, transmisjô òsta natëchstopach przerwónô. Państwòwô telewizjô òdwòłała direktora karnôlu, zawiesëła òperatora transmisje i dozérôcza emisje, a blëżi niepòdónô lëczba robòtników stacje òsta sczerowónô do discyplinarny kòmisje. Nadôwca przekôzôł, że te dzejania bëłë dlô ùtrzimaniô warkòwi kãdarë i dobrégò miona mediów. Mùsab Rasulizad òpùblikòwôł nagranié, w jaczim òficjalno przeprosył za swòje słowa. Tłómacził sã, że zwëczajnô sã zarzekł, bò chcôł pòwiedzec: „Smierc Americe”. Nôwëższi wódca Ali Chamenei sprawë nie skòmentowôł.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Najnowsze wiadomości
- 17/03 Główczëce szukają métlu na wandalów
- 17/03 Chce Narwa òdapartnic sã òd Estońsczi?
- 16/03 Zawiészka na lëché òczë
- 16/03 Lës przepłënął Atlantik
- 15/03 Słowò na niedzelã (15.03.26)
- 14/03 Òkredlë smãtôrz w Niestãpòwie
- 14/03 Etnicznô jednota nade wszëtkò
- 14/03 Król Szwédzczi we Gduńskù
- 14/03 Dolëzna Smiercë òkwiatowónô
- 12/03 Płëwnica Nimfa do zamkniãcô?
- 12/03 Granat pòd skórą ùmarłégò pòjmańczika
- 12/03 Są trapë, ni ma przeńscô do nich
- 12/03 Rozdanié Ig Noblów pierszi rôz w Eùropie
- 10/03 Òdnëkôł agresywnégò amstaffa
- 10/03 Ùkrajina pòmòże biôtkòwac z Szahedama
- 09/03 Banë na centralné banowiszcze w Glasgow strzimóné
- 09/03 Pelplińskô diecezjô ni mô na naprawã dakù
- 09/03 Ruskô wëcopiwô sã z werbùnkù w czile afrikańsczich krajach
- 08/03 Słowò na niedzelã (8.03.26)
- 07/03 Trzë sostrë i òjc prowadzëłë ruchnowi gang
Komentarze