Reklama

Zeroemisjowé aùtobùsë na pòmòrsczich drogach

Klëka

27/10/2024 08:47

Z Kaszëb, Zeroemisjowé aùtobùsë pòmòrsczich drogach - zdjęcie, fotografia

Samòrząd pòmòrsczégò wòjewództwa kùpi 15 nowëch elektricznëch aùtobùsów dlô trzech liniów w grańcach pòmòrsczégò wòjewództwa.

Dzãka dofinancowaniémù z Krajewégò Planu Òdbùdowë, samòrząd pòmòrsczégò wòjewództwa zwëskôł 42 miliónë złotëch na kùpisz 15 elektricznëch, zeroemisjowëch aùtobùsów. Nowé wòzë wëjadą na linie Kòscérzna – Chònice – Człëchòwò, Słëpsk – Kãpice – Miastkò, a téż Réda – Wiôlgô Wies – Hél. Je to dzãka wnióskòwi złożonémù przez samòrząd w òbrëmim kònkùrsu ògłoszonégò przez Centrum Ùniowëch Transpòrtowëch Projektów. Całé dofinancowanié sygnie za 85% sëmë brëkòwny na cél, jaczim bëło kùpienié bezemisjowëch aùtobùsów.

Nowé wòzë mają nié blós spełniwac normë wëdajnoscë służącé nôternémù strzodowiszczu, ale mają téż bëc dopasowóné pòd brëkòwnotë lëdzy z niefùlsprôwnoscama. „Ten projekt pòkazéwô najã determinacjã w biôtce z kòmùnikacjowim wëłączenim, a bãdze miało téż cësk na ùprawienié kwalitetu lëftu” – gôdô Mieczësłôw Struk, marszôłk pòmòrsczégò wòjewództwa.