Waszingtońsczi rząd szlachòwno do Izraela cwierdzy, że jegò célã je strzimanié irańsczégò programù rozwiju atomòwi barnie.
W nocë z sobòtë dwadzestégò pierszégò czerwińca na niedzelã dwadzestégò drëdżégò czerwińca amerikańsczé fligrë zbómbardowałe irańsczé zakładë ùbòkadniwaniô ùranu w Isfahanie, Natanzu i Fordo. Wedle amerikańsczich pòdôwków ùdało sã prakticzno cawno je znikwic, Irańsczé zdrzódła temù przékùją, a niezanôleżnëch wiadłów z placu felëje. Wiceprezydent Zjednónëch Stanów James David Vance i Sekretôrz Òbarnë Pete Hegseth delë do wiadë, że atak ni mò na célu òbalenié reżimù Alégò Chameneja, a Zjednóné Stanë nie wëpòwiedzałë wòjnë Iranowi, a blós jegò nuklearnémù programòwi, czim doparłãczëlë sã do òstatnëch dzejaniów Izraela. Irańsczi wódcë ùznelë amerikańską agresjã za bezprawny atak na swòjã suwerennosc i zapòwiedzëlë, że Iran mdze sã barnił wszëtczima przistãpnyma métlama. Nie wëłącziwają mòżebnoscë atakù na amerikańsczé bazë w regionie.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie