Żëwé zdrów zwierzãta, jaczé jich miéwcë bãdą rôd òddac, stóną sã charną dlô drapieżników trzimónëch w zwierzińcu.
Zwierzińc w Aalbòrgù w nordowi Dëńsce na swòjich spòlëznowëch mediach zachãcywô do òddôwaniô swòjich niechcónëch domôcëch zwierzãt na charnã dlô trzimónëch w zwierzińcu drapieżników. Robòtnicë bãdą przëjimelë midzë jinszima mòrsczé swinczi, zajczi, swinie, a z brëkòwnyma dokùmentama téż mniészé kònie. Pò humanitarny eùtanazje pòsłużą òne za jôdã dlô risów, lwów i tigrisów, a dzãka temù jich miãso sã nie zmarnëje, a rabùszniczi bãdą mògłë pòdjesc cos szlachòwnégò do tegò, co bë so złapałë na wòlë. W òdpòwiescë na òbwinë ò nieeticznosc taczégò ògłosu direktórka aalbòrsczégò zwierzińca Pia Nielsen wëdała òswiôdczenié, w jaczim dała do wiadë, że przëjimanié zwierzãt do zjedzeniô òd gòscy abò partnerów je ju òd dłudżégò czasu czãstą praktiką w dëńsczich zwierzińcach, leno nigdë przódë nie decydowałë sã òne na pùbliczné ògłosë ò mòżebnoscë òddaniô zwierzãt na ten cél.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie