Adela Kùik-Kalinowskô òpòwiedzała ò patronie Kaszub i historicznym a téż dzysdniowim òdbiérze jegò misje na Pòmòrzu w XII stalatim.
W czwiôrtk 23. stëcznika w jizbach Miesczi Bibloteczi w Bëtowie na Zómkù prof. dr hab. Adela Kùik-Kalinowskô pòprowadzëła wëkłôd pt. „Spôdkòwizna Òtona. Jëbleùsz 900-latégò christianizacje Zôpadnégò Pòmòrzégò”, na jaczim przedstawiła bëtnikóm pòtkaniô rólã sw. Òtona z Bambergù w zaprowadzenim chrzescëjaństwa na Pòmòrzé, a téż jaczé szlachë pò ti pòstacje dzysdnia jidze nalezc w pòmòrsczich swiãtnicach. Redaktórka ksążczi „Święty Otton – Apostoł Pomorza” na pòtkanim na bëtowsczim zómkù zapòwiedzała, że bãdze pisała pòstãpné ksążczi, na przëmiar ò swiãtëch białkach i chłopach. Pòtkanié bëło zòrganizowóné w òbrëmim cyklu aùtorsczich pòtkaniów „Czëtanié Kaszëb”, jaczé wespółòrganizëją m.jin. Mùzeùm Westrzédnégò Pòmòrzégò we Słëpskù i Mùzeùm Kaszëbskò-Pòmòrsczi Pismieniznë i Mùzyczi we Wejrowie. Dôwają òne leżnosc do zetkaniô z ùtwórcama dzysdniowi kaszëbsczi i pòmòrsczi lëteraturë a téż pòznaniô wëstãpiwającëch w ni zjawiszczów i zgrôwów. H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie