Reklama

Cesził sã miliónã baro krótkò

Klëka

30/12/2025 10:30

Rodzëzna z bëtowsczégò krézu trzimała doma jesz wicy dëtków, ale kradélc nie dôł radë jich wzyc ze sobą.

Bëtowskô pòlicjô pòdała, że w wiliowi wieczór w bëtowsczim krézu jedna rodzëzna òstała òkradłô na wiôlgą sëmã. Trzëdzesce szesc lat stôri chłop z lãbòrsczégò krézu wiedzôł, że planowelë mieszkanié òstawic pùsté. Zwëskôł z leżnoscë, włómôł sã bënë przez garażowé òkno i nalôzł w mieszkaniu miechë z dëtkama. Zabrôł ze sobą do aùta tëli, kùli dôł radã, a bëło to przez milión złotëch. Pò pòwroce dodóm familiô zarô ùzdrzała szlachë włómaniô i zazwòniła na pòlicjã. Dzãka kaméróm doma szandarzë chùtkò nalezlë kradélca. Przëjachelë pò niegò ju pòstãpnégò dnia. Banknotë bëłë pòrozrzucóné pò jegò mieszkanim. Całi milión ju wrócył do miéwców, a sprôwca dostôł zakôz wëjéżdżaniô z kraju. Za kradélstwò z włómanim mòże dostac do dzesãc lat sôdzë.

H.S.Sz.

Źródło i opracowanie własne