Reklama

Ùchwôlënk w sprawie przëznaniô Serakòjcóm statusu miasta przëjimniãti

Klëka

01/10/2025 10:58

Chòc part radnëch dôwôł bôczenié na to, że radzëznowé kòmisje jesz w swòjich karnach nad ùchwôlënkã nie robiłë, sétmënôsce głosama akt òstôł przëjimniãti.

We wtórk trzëdzestégò séwnika na sesje radzëznë gminë Serakòjce òbgadiwóny béł projekt ùchwôlënkù w sprawie przëznaniô môlëznie miesczich prôw. Dzãka radnym Rafałowi Makùrôtowi i Róbert Jakùbkòwi wpisónô w niegò òstała intencjô przeprowadzeniô spòlëznowëch kònsultacjów, co i tak wëmùsziwô krajowé prawò. Wójt gminë Serakòjce Mirosłôw Kùczkòwsczi zapòwiedzôł trzë pòtkania. Wëłącził mòżebnosc zrëchtowaniô referendum, za to jegò zastãpnik Zbigórz Fùlarczik scwierdzył, że mòżlëwé je przeprowadzenié ankétowégò badérowaniô. Radny dopëtiwelë sã ò pòdôwczi tikającé sã financowëch skùtków przëznaniô nowégò statusu Serakòjcóm, le jich nie ùczëlë, chòc wójt zagwësnił, że mô je w swòjim gabinece. Przekònónô przez wójta do nieòdkłôdaniô sprawë na pózdni radzëzna w kùńcu w welowaniu przëjimnãła ùchwôlënk – „za” bëło sétmënôsce, „procëm” dwùch, strzimało sã òd głosu dwùch.

H.S.Sz.

Załączniki