Reklama

Co? Dze? Czedë? [21-28.10.2024]

Kùltura

21/10/2024 14:28

Blós do 21. rujana dérëje termin wësëłaniô dokôzów na plasticzno-lëteracczi kònkùrs pòd titlã „Ksiądz Hilary Jastak widziany moimi oczami”. Rozegracjô je sczerowónô do szkòlôków z spòdlecznëch szkòłów. Ùroczëstosc wrãczaniô nôdgrodów òdbãdze sã 25 rujana ò dzesąti w Gminowim Òstrzódkù Kùlturë, Spòrtu i Rekreacje w Chmielnie. Òb czas ùroczëznë ks. bp. Arkadiusz Òkrój wëgłosy wëkłôd ò żëcym i ùtwórstwie ks. H. Jastaka.

Wicy na: https://chmielno.naszgok.pl/n,konkurs-plastyczno-literacki-ksiadz-hilary-jastak-widziany-moimi-oczami

--------------------------------------------------------------------------------------------------------------------------------------------------------------------------------------------------------------------------

23 rujana ò piąti pp. (17:00) w Kaszëbsczim Fòrum Kùlturë w Gdinie kòl al. Marszôłka Piłsudsczégò 18 mdze promòcjô ksążczi „My trzymamy z Bogiem…” aùtorstwa Wiesławë Kwiatkòwsczi. Gazétniczka a òpòzycjonistka w cządze PRL-u przëbliżô pòstacjô gdińsczégò kapłana – ks. prałata Hilarégò Jastaka, „króla Kaszëbów”, kapelana Krajowi Armie i „Solidarnoscë”, a téż Hònorowégò Òbëwatela Gdinie i Kòscérznë. Pùblikacjô òsta zniowionô w czasu òsoblëwie wôżnym dlô pamiãcë gdińsczégò kapłana, bò Przédnô Radzëzna Kaszëbskò-Pòmòrsczégò Zrzeszeniô ògłosëła gò Patronã Rokù 2024.

Tuńce, szmaczczi, wëstôwk rãkòdzeła a lëteraturë, kaszëbsczi kùlinarny kònkùrs ju niedługò w słëpsczi Dwójce. W strzodã 23 rujana w Spòdleczny Szkòle nr 2 w Słëpsku bãdze Kaszëbsczi Dzéń sparłãczony z familiowim festinã.

Program dnia:

13:00 – òficjalné òtemkniãcé rozegracje

13:30 – degùstacjô kaszëbsczich daniów

14:00 – wëstãp Karna „Gochy” z Lëpińc

14:20 – wëstãp Karna „Jantar” z Mòtarzëna

14:40 – wëstãp Karna „Perlë” ze Spòdleczny Szkòłë nr 2 w Słëpskù

15:00 – ògłoszenié wëników kùlinarnégò kònkùrsu i wrãczenié nôdgrodôw

15:20 – kùńc rozegracje

W gòdz. 11-13 mdze szkòłowi MasterChef – karna zesadzóné z szkòlôków i jich starszich mdã biôtkòwac w kùlinarnym kònkùrsu „Smaka Kaszub”.

Wicy na: https://www.kaszubi.pl/events/view/dzien-kaszubski-w-sp-nr-2-w-slupsku

Kùjawskò-Pòmòrsczé Wòjewództwò, Pòmòrsczé Wòjewództwò i Kaszëbskò-Pòmòrsczé Zrzeszenié rôczą na pòtkanie w òbrëmim cyklu promòcyjnëch zéńdzeniów ksążczi „Myśl polityczna Lecha Bądkowskiego”, jaczé mdze 23 rujana ò gòdz. 5 pp. (17:00) w Mùzeùm Kaszëbskò-Pòmòrsczi Pismieniznë i Mùzyczi we Wejrowie i 25 rujana (gòdz. 17:00) w Gardowi i Pòwiatowi Pùbliczny Bibliotece w Kartuzach.

„Myśl polityczna Lecha Bądkowskiego" to kómpendium pòliticzny pùblicysticzi Bądkòwsczégò, òd jegò pierszich ùdbów pò wëpòwiedzë ze slédnëch dniów żëcégò. Tekstë te razã pòkazëją kònsekwencjã głoszonëch bez Lecha Bądkòwsczégò przekònaniów.

Wicy na: https://www.kaszubi.pl/news/view/cykl-spotkan-promocyjnych-ksiazki-mysl-polityczna-lecha-badkowskiego

Mùzeùm Pùcczi Zemi miona Florióna Cenôwë rôczi na òtemkniãcé wëstôwkù pòd titlã „Piloci z Kaszub w bitwie o Anglię”, jaczé mdze 24 rujana ò piąti pp. (17:00) w Òddzélu „Szpitalik” kòl sz. Wałowi 11 w Pùckù.

Je to òpòwiesc ò lotnikach, chtërny pòchôdają z Kaszëb, w tim z Nordë, a jaczi służëlë w Pòlsczich Latownëch Wòjskach na Zôpadze w cządze II Swiatowi Wòjnë. Na wëstôwkù òbôczimë czilenôsce òbrazów Tadeùsza Trocczégò, jaczim tòwarzą biogramë herojów, wiele pamiątków z familiowëch kòlekcjów, mòdelów fligrów ze zbiérów Mùzeùm Òbronë Ùbrzegù w Hélu i plansze z historicznym òbrôbienim Mùzeùm Kaszëbskò-Pòmòrsczi Pismieniznë i Mùzyczi we Wejrowie.

Wëstôwk mòże òbzerac do strëmiannika 2025 r.

Wicy na: https://muzeumpuck.pl/2024/10/10/3796/

Direktór Zôpadnokaszëbsczégò Mùzeùm w Bëtowie rôczi na ùroczëznã na wdôr 95-lecô pòwstaniô Pòlsczi Szkòłë w Płótowie (pierszi na bëtowsczi zemi), jakô mdze w Zôgardze Stip-Rekòwsczich w Płótowie w piątk, 25 rujana ò gòdz. 5 pp. (17:00). W programie prezentacjô nowi wëdowiznë pòd titlã „95-lecie Szkoły Polskiej w Płotowie. Obraz dokonań kaszubskich działaczy Związku Polaków w Niemczech oraz prezentacja dotycząca szkolnictwa polskiego i Związku Polaków w Niemczech.”

http://muzeumbytow.pl/95-lecie-szkoly-polskiej-w-plotowie-zaproszenie-na-promocje/

W zalë Bëtowsczégò Centrum Kùlurë 26 rujana mdze Festiwal Cassubia Cantat. Przed pôłnim bãdą miałë plac kònkùrsowé przesłëchania mùzycznëch karnów, a ò piąti pp. (17:00) zaplanowóny je finałowi kòncert, pò jaczim pòznómë dobiwców.

Célama kònkùrsu są rewitalizacjô zabëtëch kaszëbsczich piesniów z fònograficznëch zbiérów Institutu Pòlsczégò Kùńsztu Akademie Nôùków a rozszérzwienié i prezentacjô wszelejaczich czekawëch dzysdniowëch mùzycznëch zjawiszczów, jaczé są inspirowóné kaszëbsczima tradicyjnyma zdrzódłama.

Wicy na: http://muzeumbytow.pl/festiwal-cassubia-cantat-zaproszenie/

26 rujana kòl sz. Dłëdżi 35 we Gduńskù bãdze perfòmatiwné pòtkanié na spòdlim ksążczi „Welewetka. Jak znikają Kaszuby” aùtorstwa Staszë Bùdzysz. Adaptacjô Martë Streker to równoczasno szukanié sczerowóné do bëna jednostczi, jak i panorama Pòlsczi, jakô biôtkùje sã z akceptacją kùlturowi jinoscë.

Wicy na: https://www.gdansk.pl/wydarzenia/Spotkania-performatywne-Welewetka-Jak-znikaja-Kaszuby,w,36089

Kaszëbskò-Pòmòrsczé Zrzeszenié sertno rôczi w sobòtã 26 rujana ò drëdżi pp. (14:00) do Chònicczégò Centrum Kùlturë na teatralny przezérk „Zdrzadniô Tespisa”. Lubòtnicë regionalny teatralny binë mdą miec leżnosc òbaczëc bëlné kaszëbskòjãzëkòwé widzawiszcza. Wòlny wstãp!

Latos bédëjemë: