Reklama

Eksmisjô skùńczonô smiercą trzech karabiniérów

Klëka

15/10/2025 13:48

Aùtór: Jollyroger; zdrzódło: https://pl.wikipedia.org/wiki/Korpus_Karabinier%C3%B3w#/media/Plik:2june2006_283.jpg

Bracô i sostra mieszkający na jednym gbùrstwie wòlëlë wësadzëc chëcz w lëft jak z ni wińc.

We wtórk sztërnôstégò rujana w Castel D'Azzano kòl Weronë w nordowi Italsce miała bëc eksmisjô dwùch bracy i sostrë, kòl szescdzesątczi, jaczi mielë zacygniãté dłëdżi. Próbë ekmisje z gbùrstwa, na jaczim mieszkelë, wedle nich bëłë pòdjimóné ju przódë pò czile razy, le kòżdą razą służbë òdstãpòwałë, czej lokatorzë grozëlë, że wësadzą chëcz w lëft. Prze slédny próbie bëlë do nich wezwóny negòcjatorzë. Czej jich próbë przegôdaniô lokatorów nie przënôszałë brzadu, na gbùrstwò przëjachôł òddzél karabiniérów wëczwiczonëch w biôtce z terrorizmã. W sztóce, czej wchôdelë do chëczë, jeden z bracy pòdpôlił bùdlã z gazã. Huk òd wëbùchù bëło czëc piãc kilométrów dali. Zdżinãlë trzeji karabiniérzë, renionëch bëło jednôsce, a téż trzech zwëczajnëch szandarów i jeden ògniórz. Do bòlëcë trafilë téż sprôwcë – dwaji bëlë zabróny zarô z rozwôlonégò dodomù, a trzecégò trafilë pózdni, pò tim jak zwiornął z môla.

H.S.Sz.

Załączniki