Pò strzimanim licencjów łońsczégò rokù ekòlogòwie mielë nôdzejã, że to kùńc z wiôlgòrëbactwã na Islandie.
Czej w 2023 rokù Islandzkô zawiesëła cząd jachtów na wiôlgòribë pò trzech tigòdniach òd jegò zaczãcô, proekòlogiczné òrganizacje próbòwałë wëzwëskac tã leżnosc i rëgnãłë ze spòlëznowima kampaniama procëm dalszémù zezwòliwaniu na wiôlgòrëbactwò w Islandzce, jakô je jednym z trzech krajów swiata, òkróm Norwesczi i Japóńsczi, jaczi wcyg je dopùszcziwô. Terô téma òsta zôs pòdjãtô pò tim, jak rząd tegò kraju dôł licencje do 2029 rokù dwùm firmóm zajimającym sã jachtama na wiôlgòribë.
Wedle decyzje wëszëznów na wiôlgòrëbacczich òkrãtach mdą mùszelë bëc szpektorzë, jaczi bãdą pilowelë, czë procëm zwierzãtóm nie brëkùje sã niehumanitarnëch métlów rëbaczeniô, taczich jak ùżiwanié bòdarzów z wëbùchowima ladënkama, chtërne bëłë przëczëną strzimaniô licencje łoni. Całi łów szpektorzë mają téż filmòwac – pò zjiscenim tëch warënków, wiôlgòrëbôcë bãdą mòglë kòżdégò rokù złowic pò 209 zwëczajnëch i 217 krôsniatëch płatwalów w cządze òd pòłowë czerwińca do séwnika.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie