Reklama

Jadra zniknãłë z nôdolsczégò mùzeùm

Klëka

16/10/2025 10:13

Rëbackô chëcz w Nôdolim. Òdj. A. Majkòwskô

Nôwicy wôrtné jadro, jaczé so ùwidzôł sprôwca, òstało znikwioné. Néga miala bëc wëzwëskónô do łowieniô rib.

W nocë z niedzelë na pòniedzôłk z dwanôstégò na trzënôstégò rujana w Gbùrsczi i Rëbacczi Zôgrodze w Nôdolim, jakô słëchô do Mùzeùm Pùcczi Zemi miona Floriana Cenôwë, doszło do kradzeżë. Trzëdzescë sztërë lata stôri chłop przeszedł nad ògrodzenim i chòdzył pò skansenie z taszlãpą, òbzérającë ekspònatë. Ùwidzało mù sã szesc jader, z czegò piãc zabrôł ze sobą, a szósté jadro, nôdrogszé i wpisóné do ewidencje mùzealnëch zbiérów, znikwił. Czej mùzeùm wëkrëło kradzéż, zarô dało do wiadë pòlicje w Gniewinie, jakô pòdjimnãła wespółrobòtã z szandarama z Kryminalnégò Wëdzélu Krézowi Kòmendë Pòlicje we Wejrowie. Sprôwcã zatrzimelë we wtórk sztërnôstégò rujana w Gniewinie. Przëznôł sã, że ùkradłé sécë rozstawił kòl ùscégò Piôsznicë do Żarnowsczégò Jezora w òbéńdze Nôdolégò. Stamtądka ju òstałë zabróné i wrócą do nôdolsczégò mùzeùm. Kradélc ùczëje terô òbwinë ùkradzeniô miectwa ò òsoblëwim kùlturowim znaczënkù, ùszkòdzeniô miectwa, a téż nielegalnégò łowieniô rib. Grozy mù do dzesãc lat sôdzë.

H.S.Sz.

Załączniki