Reklama

Kònkùrs na tekst spiéwë dlô dzecy

Kùltura

04/10/2024 09:56

Òdj. Mùzeùm Kaszëbskò-Pòmòrsczi Pismieniznë i Mùzyczi we Wejrowie

Ju dzysô ò 5 pò pôłnim bãdze rozrzeszenié Òglowòpòlsczégò Kònkùrsu m. Jana Drzézdżona. Rôczimë do Mùzeùm Kaszëbskò-Pòmòrsczi Pismieniznë i Mùzyczi we Wejrowie! A jesz przed tą ùroczëzną wôrt przëbaczëc, że pòd kùńc séwnika òstôł w tim môlu rozrzeszony jiny kònkùrs – V Òglowòpòlsczi Lëteracczi Kònkùrs m. Jana Trepczika na tekst spiéwë dlô dzecy w kaszëbsczim jãzëkù.

I nôdgrodã dostôł Dark Majkòwsczi za dokôz Na bòsôka, II môl ùdostała Justina Pranszke za Mòdlëtwã ò lajk, III môl Klebbów Matis za ùsôdzk Spikòwinka, a wëprzédnienié Agata Grenwald za Farwny swiat.

Winszëjemë!

Òbsãdzëcelama w tim kònkùrsu bëlë: Róman Drzéżdżón, Mirela Fiedorowicz i Ana Dunst. W przińdnym rokù do nôdgrodzonëch tekstów kaszëbsczi kómpòzytorowie bãdą twòrzëlë mùzykã.

Kònkùrs zrëchtowało (z financowim wspiarcym Wejrowsczégò Pòwiatu) MKPPiM we Wejrowie, jaczé je partnérã najégò pòrtalu.

Wicy ò kònkùrsu mòżeta przeczëtac na starnie Muzeum Piśmiennictwa i Muzyki Kaszubsko-Pomorskiej w Wejherowie - V Ogólnopolski Konkurs Literacki im. Jana Trepczyka na tekst piosenki dla dzieci w języku kaszubskim rozstrzygnięty (wejherowo.pl).