Reklama

Ùkrôdł prezydencczé statczi

Klëka

23/12/2025 10:55

Elizejsczi Pałac. Òdj. U.S. Department of State; zdrzódło: https://pl.wikipedia.org/wiki/Pa%C5%82ac_Elizejski#/media/Plik:Secretary_Pompeo_Arrives_to_Meet_with_French_Foreign_Minister_Le_Drian_in_Paris_(50610423656)_(cropped).jpg

Piãc lat dozérôł pòrcelanë prezydenta Francje. Zabrôł jã i przedôł ùszłémù òchroniarzowi z Luwru.

Ùszłi robòtnik Elizejsczégò Pałacu ùkrôdł przez sto sztëk prezydencczich statków. Nôwicy z tegò to bëłë talerze i tasczi. Jeden pòrcelanowi talérz z kòlekcje kòsztô czile tësący eùro. Òne są robioné w manufakfurze w Sèvres pòd Parizã. Kradélc przez piãc lat sóm dozérôł w pałacu statków, jaż w kùńcu dôł sã na jich ùkradzenié. Jegò òbarńca tłómacził gò tak, że jegò klijent dôł sã pòniesc swòji pasje. Statczi przedôł kòlekcjonérze z Wersalu, jaczi robił téż niedôwno w Luwrze jakno òchroniôrz. W całi przesprawie kradélcowi pòmógł jegò drëch antikwariusz. Wszëtcë trzeji stóną przed sądã w przińdnym rokù dwadzestégò szóstégò gromicznika.

H.S.Sz.

Źródło i opracowanie własne