Reklama

Òkredlë Luwr w sétmë minut

Klëka

20/10/2025 17:02

Luwr. Aùtór: Benh LIEU SONG (Flickr); zdrzódło: https://pl.wikipedia.org/wiki/Luwr#/media/Plik:Louvre_Museum_Wikimedia_Commons.jpg

Skarbë ze słôwnégò mùzeùm zrabòwelë lëdze w bestrëch liwkach. Jedna césarskô kòruna ju òstała nalazłô.

W niedzelã dzewiãtnôstégò rujana reno parisczi Luwr òstôł òbrabòwóny. Grëpa trzech abò sztërzech kradélców przezeblokłëch za robòtników pòdjachała czile skùterama i jednym cãżarowim aùtołã pòd Galeriã Apòlla, gdze chòwóné są klejnotë francësczich panowników. Zwëskelë na tim, że part bùdinkù béł w remònce. Ùżëlë pòdnôsznika, żebë dostac sã do òkna, wëbilë rutã, a tej wlezlë bënë galerie. Nie bôczëlë na alarm ani na turistów – zabrelë ùwidzóné zachë i zwiornãlë. Wszëtkò dérowało sétmë minut, a òchróna mùzeùm i służbë są zgòdą, że karno mùszało bëc doswiôdczoné w taczich akcjach. Z galerie zabrelë dzewiãc zachów, ale jedna, kòruna césarzewi Eùgenie, ju òstała nalazłô – sprôwcë wërzucëlë jã, czedë ùcékelë. Służbë dali sznëkrëją za przesprôwcama i zrabòwónyma skarbama, w tim nôszijkã, broszą i diademã.

H.S.Sz.