Reklama
Młodi Swiãca zôs w kòmiksu
24/11/2025 20:15
Mùzeùm Kaszëbskò-Pòmòrsczi Pismieniznë i Mùzyczi we Wejrowie wëdało nowi kaszëbsczi kòmiks. Aùtorã tekstu je Jón Natrzecy, a malënków Róman Kùcharsczi.
Przédnym heroją kòmiksu je Chòtk z rózdżi Swiãców, chtërnémù towarzi drëch Krëpa i Aite - pòznóny nad Wisłą knôp pòchôdający òd Prësów. Ksążka je drëdżim dzélã dokazu Szczeniã Swiãców. Akcjô dzeje sã w 1307 r., czej na Kaszëbach jidze do wòjnë. Brandenbùrsczi margrabiowie mają starã wzyc Wschòdné Pòmòrzé ksãcu Władisławòwi Łoczetkòwi. Wiôldżi kaszëbsczi ricérz Wawrzińc Swiãca mô strach ò swòjégò sëna i wëséłô gò w ùbëtny plac - do starka Ditricha, chtëren mieszkô w Tëchnowach nad Wisłą. Chòtk równak nie rozmieje grzeczno sedzec na placu. Próba rëbaczeniô ùkradłą wãdą kùńczi sã niespòdzajną wanogą. Mòcny żoch rzéczi i wiôldżi jasoter prowadzą knôpa i jegò drëchów corôz barżi na nordã... Co bëło dali? To ju mùszita przeczëtac sami.
Wôrt jesz dodac, że do kòmiksu są dodóné kôrtë robòtë dlô szkólnëch i ùczniów. Przërëchtowała je dr Joana Ginter z Gduńsczégò Ùniwersytetu. Na kùńcu je téż słowôrzk kaszëbskò-pòlsczi.
Rôczimë do òbezdrzeniô filmikù ò Cemnym lese!
Komiks „Szczeniã Swiãców. Cemny las” powstał dzięki wsparciu z projektu „Niech nasze dzieci czytają w języku regionalnym”.
Projekt dofinansowany ze środków budżetu państwa, przyznanych przez Ministra Edukacji w ramach programu Nasze tradycje.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Reklama
Komentarze opinie