Reklama

Nieùdónô wanoga na nôwëższi czëp Malezje

Klëka

23/09/2026 21:50

Òdj. Tony Jones; zdrzódło: https://pl.wikipedia.org/wiki/Kinabalu#/media/Plik:Mount_Kinabalu.jpg

Góra Kinabalu dobëła nad chòrwacczim rézownikã. Òsmë dni żdôł za pòmòcą, a pòtemù jesz płacył dëtczi.

Na zôczątkù séwnika mieszkający w Londinie sztërdzescë szesc lat stôri Chòrwat Maùro Persić òdwiédzôł Malezjã. Béł òbaczëc midzë jinszima górã Kinabalu na òstrowie Bòrneò, nôwëższi czëp Malezje. Jak òpòwiôdôł, piãkno górë pòcygnãło gò do spòntatniczny decyzje weńscô na teren Nôrodnégò Parkù Kinabalu. Zrobił to nielegalno i próbòwôł wlezc nieznaczonyma szlachama. Pòsliznął sã i spôdł kòl dzesãc métrów z przitczégò zberkù. Wpôdł do wąsczégò rowù, bez jedzeniô, pił wòdã ze strëdżi niedalek. Szlaga sprawiła zalenié rowù i zabrała jegò spimiech, òn ledwie sã ùretôł trzimającë sã linë. Dopiérze pò òsmë dniach òd spadniãcô z górë trafilë gò retownicë, jaczim ùdało mù sã kùreszce wësłac alarmòwą zygnalã, nimò lëchégò sëgù. Pierszi retownik dôł mù cepłé pitkù i kùszczi. W całą akcjã jegò ùretaniô zaangażowóné bëło co nômni sztërdzescë trzech retowników, jaczi za nim szukelë nimò lëchégò wiodra i przitczégò terenu. Ti mù pòmòglë, ale malezyjsczé wëszëznë nałożëłë na niegò wësoką sztrôfã dwadzesce piãc tësący ringgitów, równoznaczënã kòl dwadzesce trzech i pół tësąca złotëch. Ò to Persić żalu ni miôł. Przëznôł, że głëpie zrobił i przeprosył wszëtczich mieszkańców òkòlégò górë, co bë mòglë sã pòczëc ùrażony. Pòdzãkòwôł jim a téż retownikóm za dobré pòtraktowanié i żëcznotã òb czas i pò skùńczenim retënkòwi akcje.

H.S.SZ.

Czytaj nas w Google

Dodaj do Google

Źródło i opracowanie własne