Reklama

Nôwikszô amnestiô w Biôłorusce òd lat

Klëka

14/12/2025 11:57

Ze swiata, Nôwikszô amnestiô Biôłorusce - zdjęcie, fotografia

Westrzód wëpùszczonëch na Lëtwã bëlë kandidat na prezydenta czë téż dobiwca Mirny Nôdgrodë Nobla. Za to Amerika zdjãła part sankcjów.

Pò rozmòwach z wësłónym przez Zjednóné Stanë diplomatą Johnã Coale'ã biôłorusczi rząd wëpùscył sto dwadzesce trzech sôdzewëch. W kòmùnikace rządowëch mediów bëła gôdka ò „òbëwatelach rozmajitëch krajów, skôzónëch za szpióństwò, terroristiczną aktiwnotã i ekstremizm”. Òpòzycjowé ë bùtnowé media wskazéwają, że wiele z wëpùszczonëch to prosto pòliticzny sôdzewi. Sto dzewiãtnôsce bëło òdwiozłëch na Ùkrajinã, a dzewiãc na Lëtwã. W ti drëdżi grëpie bëlë midzë jinszima kandidat na prezydenta Biôłorusczi w dwa tësące dwadzestim rokù Wiktar Babarika, szefòwô jegò sztabù Marija Kalesnikawa, dobiwca Mirny Nôdgrodë Nobla Alesz Bialacczi czë aktiwista z pòlsczim òbëwatelstwã Roman Gałuza – pòdała to amerikańskô ambasada w Wilnie. Rząd w Mińskù dôł téż do wiadë, że w zamión Amerikanie znieslë sankcje na biôłorusczi pòtasz. Òrganizacje prôw człowieka taksëją, że w sôdzach i lôgrach w Biôłoruscë òstôwô jesz kòl tësąca lëdzy skôzónëch za pòliticzné ùprocëmnienié.

H.S.Sz.