Reklama

Pòdpôlił bùdink i pòszedł na kawã

Klëka

20/12/2025 17:15

Òdj. https://koscierzyna.policja.gov.pl/

Czej domôcë grzelë wòdã dlô gòsca, nie wiedzelë jesz, za czim òdwiedzył jich tak reno.

Na zôczątkù tidzenia w Kòscérznie w jedny chëczë wëbùchł òdżin. Kòl pół sódmi reno zgłoszenié trafiło do służbów. Pierszi na plac przëjachelë szandarzë, jaczi wënieslë z bùdinkù niefùlsprôwną białkã, co bëła dzewiãcdzesąt sztërë lata stôrô. Trzë jiné òsobë w bùdinkù dałë radã same ùceknąc przez òkno. Òdżin ùgasëlë ògniarzë, a stratë bëłë òbtaksowóné na sztëresta szescdzesąt szesc tësący złotëch. Pòdszukòwny przebadérowelë zgòrzałi bùdink i doznelë sã, że chtos gò ùmëslno pòdpôlił. Zatrzimóny w ti sprawie òstôł piãcdzesąt lat stôri chłop. Ten sã przëznôł, że pò szósti reno weszedł na pòsesjã, pòdpôlił gòspòdarczé bùdinczi, a pòtemù wëszedł do chëczë. Domôkóm rzekł, że przëszedł na kawã. Zwiornął dopiérze, jak ti zmerkelë òdżin. Za pòdpôlenié we czwiôrtk òsmënôstégò gòdnika ùczuł òbwinë i grozy mù do dzesãc lat sôdzë.

H.S.Sz.