Reklama
Płacëlë dëtczi, żebë strzelac do lëdzy w Sarajewie
13/11/2025 11:47
Rézë bògatëch lubòtników strzélny barnie wëlatiwałë z Italsczi, a ò sprawie wiedzała italskô wëdowiédzô. Pò przez trzech dekadach jich ùczãstnicë mielë wcyg nie bëc ùkôróny.
Gazétnik Ezio Gavazzeni złożił do prokùraturë w Mediolanie zawiadomienié ò tim, że òbëwatele Italsczi, Rusczi ë Zjednónëch Stanów brelë ùdzél w tak pòzwónëch „lëdzczich safari” w dzewiãcdzesątëch latach. Chòdzy ò lecbë bògôczów z Italsczi przez Triest do Bòsnie, jaczich célã bëło strzélanié do cywilów w òblégónym przez serbsczé i jugòsłowiańsczé wòjskò Sarajewie. Ùczãstnicë rézów płacëlë za ùprzëstãpnienié placu z serbsczich pòzycjów, żebë mòc z nich mierzëc do lëdzy. Jinszé prizë òbrzesziwałë za zabijanié chłopów, białków a dzecy. Serbòwie rëgnãlë z tim bédënkã w tësąc dzewiãcset dzewiãcdzesątim trzecym rokù, a pòd jegò kùńc Bòsniô dała do wiadë ò tim procederze italsczim wëdowiédnym służbóm. Te za czile miesący dałë znac, że lëdzczé safari sã skùńczą. Nigdë równak nie bëło pùblicznëch wiadłów ò tim, żebë chtos za ùdzél w nich dostôł sztrôfã, a wedle bòsniacczi starnë je tu gôdka ò kòl sto lëdzach. Téma wiele razy bëła pòrësziwónô, le felowało direktnëch dokazów na to, że serbsczé wòjskò pò prôwdze dôwało bògôczóm strzelac do cywilów. Tą razą zebróné miałë bëc pòwôżniészé materiałë, a sprôwã pòdjimnął prokùratór Alessandro Gòbbis z Mediolanu.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie