W dniach 15–17 zélnika w Brigham Young University w Provo w stanie Utah (USA) bëło 19. rokroczné zéńdzenié słowiańsczi lingwisticzny stowôrë, na jaczim dr hab. Bartłomiéń Czaplëcczi z Institutu Anglisticzi Warszawsczégò Ùniwersytetu wëgłosył prelekcjã pòd titlã „Phonologization of cumulative phonetic effects in Kashubian: A formal analysis”.
Badéra i wielelatny bëtnik Latny Szkòłë Kaszëbsczégò Jãzëka wëklarowôł pòzeszłim historiczny rozwij samòzwãków w kaszëbsczim jãzëkù na spòdlim jinszich słowiańsczich jãzëków ë przedstawił gò w ùjimniãcym dzysdniowëch jãzëkòzajôrsczich teòriów tikającëch sã jãzëkòwi zmianë pòd cëskã foneticzi.
Wôrt pòdczorchnąc, że dr hab. Czaplëcczi ju òd wiele lat rozkòscérzô wiédzã ò kaszëbiznie westrzód ùczałëch na całim swiece, m.jin. w cządnikù „Journal of Slavic Linguistics”, dze wëszedł smarą jegò articzel „A Listener-Oriented Account of the Evolution of Diphthongs and Changes in the Jers in Kashubian”.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie