Reklama

Przëstojnicë ùszłégò prezydenta Bòliwie zajãlë wòjskòwą bazã

Klëka

03/11/2024 14:29

Prezydent Lucha Arce z Bòliwijczikama. Òdj. x.com/LuchoXBolivia

Kòl 20 żôłnérzi je przetrzimiwónëch na terenie bazë przez ùzbrojoné karno atakòwników.

W piątk 1. smùtana nieregùlarné ùzbrojoné karno przëstojników ùszłégò prezydenta Bòliwie Evo Moralesa zaatakòwało wòjskòwą bazã kòl gardu Cochabamba. Atakòwnicë przejãlë kòntrolã nad jednostką i wzãlë żôłnérzi w niewòlã. Wòjskò pòdôwô, że zôrãcznikama je kòl 20 sztëk lëdzy, jaczi służëlë w baze. Atak je partã òglowòkrajewëch protestów przëstojników Moralesa, jaczi blokùją drodżi i ùniemòżebniwają transpòrtë towarów w całi Boliwie. Òd zôczątkù jich protestów media pòdałe infòrmacje ò 14 szandarach renionëch w zetkaniach z ùzbrojonyma grëpama.

Evo Morales ùstąpił ze stanowiszcza prezydenta Bòliwie i wëjachôł z kraju pò òbskôrżeniach ò prowadzenié aùtoritarnëch rządów. Jegò pòwrót do Bòliwie sparłãczony je z nadchôdającą prezydencką welacją w 2025, w jaczi Morales chce kanąc procëm dzysdniowémù prezydentowi Luisowi Arce, chtëren òbskôrżô strzodowiszcze Moralesa ò łómanié demòkraticznëch sztandardów. Òbaji pòliticzny procëmnicë nôleżą do procëmimperialisticzny partie Rësznota dlô Socjalizmù.

Reklama

H.S.Sz.

Czytaj nas w Google

Dodaj do Google

Źródło i opracowanie własne