W pierszą niedzelã zélnika béł w Rëmi jëbleùszowi, ju trzëdzesti Kaszëbsczi Jôrmark òrganizowóny przez Kaszëbskò-Pòmòrsczé Zrzeszenié i Miesczi Dodóm Kùlturë. Jak rok w rok nôwôżniészô tegò dnia bëła kaszëbskô kùltura i lëdowé ùtwórstwò. Wëstąpiłë dwa kaszëbsczé karna: Przodkowianie i Kartuzy, a téż kaszëbsczi chùr Rumianie.
Chcącë pòdczorchnąc latosé òbchòdë 800-lecô jistnieniô nôstarszégò znónégò dokùmentu, w jaczim pòjawiła sã pòzwa Rëmi – Rumina (łac.) – òrganizatorzë ùdbelë zacząc rozegracjã przemarszã, jaczi prowadzëlë: dãtô òrkestra Gminë Gniewino, a téż lëdze przezeblokłi za swiãtą Barbarã, ksãca Swiãtopôłka i ricerzów na kòniach i w zbrojach z czasów pòmòrsczich ksążãt. Za nima szlë przedstôwcowie wëszëznów miasta, zrzeszeńcë i jinszi ùczãstnicë wëdarzeniô.
Òb czas jôrmarkù bëło wiele kònkùrsów dlô pùbliczi i rozmajitëch atrakcjów, òsoblëwie dlô dzecy. Swòje wërobinë prezentowelë lëdowi ùtwórcë, bëłë bité leżnoscowé medale, mógł téż wząc ùdzél w turnieju cëskaniô w baszkã ò nôdgrodã przédnika KPZ Part Rëmiô.
W bëlny zabawie zawôdzało wiodro. Wiôldżi deszcz przerwôł rozegracjã pò czile gòdzënach, tej zaplanowóné kòncertë karnów Leszcze i Mitra òstałë òdwòłóné.
Zdrzódło: www.kaszubi.pl
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie