Reklama
Ùroczëznë na Pearl Harbor pierszi rôz bez weteranów
09/12/2025 12:42
Niżóden òd trzënôsce jesz żëjącëch żôłnérzi, co służëlë w sztërdzestim pierszim w amerikańsczi baze, nie béł w sztãdze przëjachac na òstrów.
W Honolulu na Hawajach w niedzelã sódmégò gòdnika pòstãpny rôz przëbôczony òstôł atak Japòńczików na bazã Pearl Harbor, jaczi zadecydowôł ò przëstąpienim Zjednónëch Stanów do drëdżi swiatowi wòjnë. Latosô ùroczëzna bëła zrëchtowónô w òsmëdzesątą czwiôrtą roczëznã atakù. Pierszi rôz w historie nie wzął w ni ùdzélu niżóden weteran, jaczi w tamtim czasu służił na hawajsczim òstrowie Òahu. Na piãcdzesątą roczëznã w tësąc dzewiãcset dzewiãcdzesątim pierszim bëło jich tam bëtnëch jesz kòl dwa tësące, ale w pòstãpnëch latach zaczãło jich ùbëwac. Łoni przëjachelë leno dwaji, a latos niżóden. Żëje jich jesz trzënôsce, ale nie bëlë w sztãdze przëjachac na òstrów. Wszëtcë są ju wicy jak sto lat stôri. W tim rokù ùroczëznã prowadzył amerikańskò-japòńsczi gazétnik David Òno, zajimający sã téż amerikańskò-japòńsczima relacjama, za co mô dostóny òd rządu w Tokio Òrder Wschôdającégò Słuńca. W swòjim przemówienim gôdôł ò to, że roczëzna Pearl Harbor miałabë bëc wezwą do rãdégò dzejaniô na zwelach, jaczé pòłożëło pòkòlenié drëdżi swiatowi wòjnë.
H.S.Sz.
Aktualizacja: 09/12/2025 12:46
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie