Reklama
Ùrzas pasażérów w sopòcczim aùtobùsu
30/12/2025 10:13
Wezwóny szandarzë bëlë przërëchtowóny na interwencjã wedle ùzbrojonégò chłopa. Prôwdzëwi zagrôżbë nie bëło, le prôwdzëwi béł strach.
W nocë z piątkù na sobòtã z dwadzestégò szóstégò na dwadzestégò sódmégò gòdnika w Sopòce pòlicjô òstała wezwónô do jednégò z miesczich aùtobùsów. Wedle zgłoszeniô szescdzesąt jeden lat stôri pasażéra miôł przë sobie flińtã. Pòstawiony w pòszëkù szandarzë weszlë do aùtobùsu i zatrzimelë chłopa. Chùtkò sã òkôzało, że prôwdzëwi zagrôżbë nie bëło, bò flińta to béł leno strôszk. Wëzdrzôł równak baro realisticzno za mòderną pòwtórzną flińtą i dôwôł jinym spòdlé do strachù. Chòc miectwò atrapów strzélny barnie je legalné, to nawet rekònstrukcje historicznëch flińtów miałëbë bëc schòwóné òb czas jich przenôszaniô w pùblicznëch placach, òsoblëwie w pòjazdach pùblicznégò transpòrtu. Miéwca strôszka dostôł òd szandarów dëtkòwą sztrôfã za mącenié pùblicznégò pòrządkù.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze