SEKSTELEFÓN - skecz FiF

Dôwno temù, jesz przed Kabaretã Kùńda czë Kabaretã Pùrtcë, na zôczątkù XXI wiekù bél taczi kabaret, co zwôl so FiF.
FiFa splodzëlë a ùrodzëlë Pioter Cyskòwsczi a Róman Drzéżdżón. Kò w FiFie bez ne dzesãc lat grelë téż Michôl Piéper, Jerzi Łysk, Pioter Lessnaù, Karól Miller czë Słôwk Gòjka.
Tuwò dôwajã krótczi skecz, jaczi bél pierszim tekstã FiFów, a gróny bél do samégò kùńca jistnieniô negò kabaretu. Chto wié, móże czedës co wicy ò FiFie napiszã.

SEKSTELEFÓN

Wëstãpùją:
Seksbialka
Spragli seksu chlop
Narratóra

Òd latów latecznëch lëdze kòmbinëją jak bë nick nie robic a wiele zarobic. Za baro tegò sã nie dô zrobic, le są lëdze chtërny dërch wcyg nad tim mëszlą. Jedna pësznô Kaszëbka téż mëslela ë wëmëslëla... sekstelefón.

- Alo! Slëchajã!
- Dzéń dobri. Je to nen sekstelefón?
- Jo. Są trzë òpcje. Òpcjo numer 1 - seks na sanie - wcësni 1. Òpcjo numer 2 - seks pòd pierzną - wcësni 2. Òpcjo numer 3 - seks na bómie - wcësni 3.
- Czekawe co to je nen seks na bómie? Wcësnã 3.
- Òpcjo nr 3 - seks na bómie. Seks na bómie je baro dobri, le niebezpieczny, bò jak sã z bómë spadnie to so mòżesz tegò twòjégò knôpelka zlómic, të sztrëchù zbòczony!
- Ne, taczégò seksë jô jesz ni miôl przeżëté. Wcësnã numer 1.
- Òpcjo nr 1 - seks na sanie. Seks na sanie je baro dobri, le niebezpieczny, bò sano mòże w rzëc wlézc, a te to szczëpie jak diôchlë, të sztrëchù zbòczony!
- Z mòją bialką jô jesz taczégò czegòs ni miôl robioné. Czekawe co to je pòd numrã 2.
- Òpcjo nr 2 - seks pòd pierzną. Seks pòd pierzną je baro dobri....
- To jô ju wiém.
- Seks pòd pierzną je baro dobri, le niebezpieczny....
- Jô doch gôdôl, że to jô ju wiém!
- Seks pòd pierzną je baro dobri le niebezpieczny, bo jak sã ceplo pòd pierzną zrobi, te sã bialce spac zachce, a te òna sã rzëcą do ce wëpnie ë z tego seksë nick nie bdze... Të sztrëchù zbòczony!
- Jô jem czekawi kùli mie kòsztôl nen seks?
- Blós “seks” zlotëch plus VAT za minutã. Rôczimë do kòrzistaniô z naszégò sekstelefónë.
- Ale to ce bél fejn seks!!!