Reklama

Spôlëła sã szopka stôwiónô òd lat

Klëka

31/12/2025 11:22

Z Kaszëb, Spôlëła szopka stôwiónô - zdjęcie, fotografia

Chtos òdpôlił petardã kòl bólszewsczi gòdowi szopczi. Skùtk to interwencjô dwùch ògniarsczich półków.

W pòniedzôłk dwadzestégò dzewiątégò gòdnika wieczór w Bólszewie zażôlëła sã drzewianô gòdowô szopka w ArtParkù. Zgłoszenié do ògniowi starżë trafiło kòl piąti wieczór. Z zôczątkù tëpac òdżin a retac elementë dekòracje próbòwelë mieszkańcë, le pò przëjachanim półków z Wejrowa i Bólszewa dlô zabezpieczeniô placu òdłączony òstôł przistãp sztrómù do szopczi, a płomienie ùgasëlë strëmieniã wòdë. Nicht w zdarzenim nie béł reniony. Cawno sã spôlëłë sztërë drzewiané figùrë, sztërë bëłë nadpôloné, a znikwiony òstôł téż dak szopczi ë lampczi. Szandarzë pò òbezdrzenim zgòrzałégò placu doszlë do dbë, że òdżin sprawiła petarda. Direktórka Bibloteczi ë Centrum Kùlturë w Bólszewie Natasza Sobczôk pòdała, że strata òsoblëwie zabòlała môlową spòlëznã, bò znikwioné elementë szopczi służëłë rok w rok przez wiele lat. Nie je gwës, czë w pòstãpnëch latach szopka dali bãdze stôwiónô.

H.S.Sz.

Źródło i opracowanie własne