Strach przed islamizacją w Kirgistsanie przekònôł nôleżników parlamentu do wprowadzeniô nowëch ùstawów. Ne prawa mają zagwësnic ùchòwanié swiecczégò państwa.
We czwiôrtk 26. gòdnika Nôwëższô Radzëzna, to je jednojizbòwi parlament Kirgistanu, przëjął dwa ùstawë, co mają zagwësnic swieckòsc państwa. Aktë ò titlach „Ò wòlnoscë religie i religiowëch stowôrów” i „Ò zjinace niechtërnëch ùstawòdôwczich ùstawów Kirgisczi Repùbliczi w sprawie religie” wprowôdzają wiele ògrańczeniów tikającëch sã religiowégò dzejaniégò. Pò zacwierdzenim przez prezydenta Sadira Dżaparowa w Kirgistanie zakôzóné mô bëc rozkòscérzanie religiowëch materiałów w pùblicznym rëmie, rôczenié dëchòwnëch do pòsłudżi i nôùków w dodomach òpieczi czë wòjskòwëch jednostkach bez zacwierdzeniô wëszëznów, zakriwanié skarnie w rządowëch bùdinkach i pùblicznëch placach czë twòrzenié pòliticznëch partiów òpiartëch ò religiã. Kòżdô fòrma religiowégò dzejaniô mô téż òdtądka bëc registrowónô. Za złómanié tegò prawa grożą wësoczé dëtkòwé sztrôfë.
Zjinaczi w prawie są òsoblëwie pòmëslóné procëm zwiksziwaniu sã cëskù islamù w Kirgistanie, m.jin. przez dzejanié mùzelmańsczich teòlogicznëch szkòłów. Kirgizowie mają wątplëwòscë co do nôùków tam pòdôwónëch. Bùdacjô wiele taczich szkòłów bëła téż financowónô przez kraje znad Persczégò Wikù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie