Zawieszenié barnie mô dërchac 60 dni. Joe Biden je gwës, że bãdze to zôczątk stójnégò miru dlô Libanu.
Bédënk szescdzesątdniowégò miru midzë Izraelã a Hezbollahã dóny przez Zjednóné Stanë òstôł przëjãti pò prowadzonëch przez USA negòcjacjach midzë Izraelã a Libanã, ze wspiarcym Francje. Miôł to bëc slédny bédënk złożony za prezydenturë Joe Bidena w USA. Timczasowi mir zaczął òbòwiązëwac we strzodã 27. smùtana ò gòdz. 4 môlowégò czasu. Libańczicë ju zaczãlë wracac do swòjich dodomów òstawionëch na terenach, gdze bëłë biôtczi.
Wedle Bidena zawieszenié barni mô zakùńczëc tã wòjnã dérëjącą òd ataków Hezbollahu na Izrael przed rokã. Wedle òglowëch przekazów libańskô armiô mô òstac rozmieszczonô w pôłniowim parce Libanu, żebë przejic òd Hezbollahu infrastrukturã i kòntrolã nad swòjim teritorium, a Izrael wëcopie swòje wòjskò z grańców Libanu. W przëtrôfkù znowieniô biôtczi przez Hezbollah, Izrael bãdze mógł sã barnic, zgódno z midzënôrodnym prawã. Premiéra Izraela Benjamin Netanjahu cwierdzy, że przëjãté warënczi są zwëskòwné dlô jegò państwa, jaczé terô mdze miało leżnosc skùpic sã na biôtce w conie Gazë z Hamasã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie