Kaszëbskô mszô zaczãła chònicczé Dnie Kaszëbskò-Pòmòrsczi Kùlturë.
W niedzelã 20. rujana w chònicczi Mniészi Bazylice pw. Scãcégò sw. Jana Chrzcëcela w pôłnié òstała ôdprôwionô mszô swiãtô z kaszëbską liturgią słowa i mùzyczną òprawą zrëchtowóną przez chònicczé karno „Kaszëbë”. Mszô symbòliczno zaczãła òbchôdóné w Chònicach rok w rok Dnie Kaszëbskò-Pòmòrsczi Kùlturë, òrganizowóné przez Kaszëbskò-Pòmòrsczé Zrzeszenié, Chònicczé Centrum Kùlturë, Mieską Pùbliczną Biblotekã, parafiã pw. Scãcégò sw. Jana Chrzcëcela, przë wspiarcym gardu a téż wiesczi gminë Chònice. Wëdarzenié latos bãdze dérowac do pòniedzôłkù 28. rujana. W òbrëmim tegò swiãta kaszëbsczi kùlturë bãdze zetkanié z aùtórką ksążków dlô dzecy Aną Glëszczińską, wëstôwk malënków chònicczi malôrczi Grażinë Jażdżewsczi, krézowi recytatorsczi kònkùrs, a téż przezérk kaszëbsczich teatrów „Zdrzadniô Tespisa”. Wstãp na wszëtczé wëdarzenia rëchtowóné przez dzewiãc dni je wòlny.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie