Reklama
W Szpańsce złapelë przédnika groznégò kartelu
18/11/2025 08:29
„Niechtërny bëlë dbë, że òn ùmarł, ale më za nim szukelë w samim piekle” – gôdô prezydent Ekwadoru.
Prezydent Ekwadoru Daniel Nobòa dôł do wiadë, że w Szpańsce ùchwôcony òstôł Wilmer „Pipò” Chavarria, przédnik narkòtikòwégò kartelu Los Lobos. Òb czas pandemie kòronawirusa przesprôwca ùdôł swòjã smierc, w Wenezuele zwëskôł nową juwernotã, a w dwa tësące dwadzestim drëdżim rokù wëjachôł na kòlumbijsczim paszpòrce do Szpańsczi. Stamtądka czerowôł dzejaniama kartelu, sztelowôł zabójstwa w Ekwadorze i dozérôł hańdlu narkòtikama w Kòlumbie, Italsce, Meksykù, Niderlandach i Niemiecczi. Wedle ekwadorsczégò ministra bënowëch sprôw Johna Reimberga, Chavarria je winny smiercë nômni sztëresta lëdzy. Filmiczi z zatrzimaniô przédnika gangù ùprzëstãpniła w spòlëznowëch mediach szpańskô pòlicjô, jaczi ùdało sã gò trafic dzãka wespółrobòce ze służbama z Ekwadoru.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie