W zakładze jedny z nôwikszich italsczich energeticznëch firmów doszło do eksplozje, chtërna wërzasła mieszkańców òkòlnëch môlëznów.
W pòniedzôłk 9. gòdnika w gazowi rafinerie italsczi pòdjimiznë Eni w môlëznie Calenzano kòl Florencje doszło do wëbùchù, w jaczim dwòje lëdzy zdżinãło, dzewiãc bëło renionëch, a sztërë zadżinãłë. Nad zakładã bëło widzec stolëmny stôłp dëmù, chtëren wërzasnął mieszkającëch w òkòlim. W parmieniu 5 km òd môlu eksplozje wëszëznë nakôzałë jima pòzamëkac òkna i nie zblëżac sã do placu dzejaniô służbów, jaczé ju ùgasëłë òdżin, a terô robią przë rëmanim jegò skùtków.
Wëbùchnąc miała ropnica òd òpału ladowónégò do cysternów. Firma Eni, jakô je trzecym rafineriowim producentã w Eùropie, pòdôwô do wiadë, że katastrofa nie rëszëła zabiérników òpału. Nie je znóny jesz cësk zdarzeniô na strzodowiszcze i bãdze to pòddóné pòstãpnym badérowanióm, jistno jak drobnotë tikającé sã zapôlënkù i słëchaniô reglóm bezpiekù przez robòtników. Samòrząd zagwësniwô, że ni ma zdrowòtnégò niebezpiekù dlô spòlëznë. Gmina Calenzano ògłosëła dwadniową żałobã pò tich, co ùmerlë w wëbùchù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie