Reklama

Z Gduńska zalôzł pòd Lëpùsz w cenczi jace

Klëka

09/01/2026 11:01

Òdj. https://koscierzyna.policja.gov.pl/

Krézowô Kòmenda Pòlicje w Kòscérznie dała do wiadë ò zdarzenim z gminë Lëpùsz z niedzelë czwiôrtégò stëcznika.

Kòl dzesąti wieczór szandarzë z pòsterunkù w Dzemiónach jachelë wòjewódzką drogą, czej zmerkelë chłopa, co szedł jich stroną. Sztërdzescësztërëlôtk miôł na sobie letczé jesénné ruchna, ni miôł òdblasków, a béł dëcht zmiarzłi ë zmarachòwóny. Temperatura w lëfce to bëło tedë òsmë gradów na minusu. Szandarzë zatrzimelë chłopa, a ten jim rzekł, że jidze z Gduńska do Pòznania piechti. Rodzëzna chłopa nie bëła w sztãdze chùtkò pò niegò z Gduńska przëjachac. Szandarzë òddelë gò tej pòd dozér lékarzów. Kòscerskô kòmenda przëbôczëła, żebë cepło sã òblakac, nosëc òdblasczi, czej sã gdzes jidze nocą, a téż reagòwac i pòmagac, jak sã widzy kògòs, chto mòże letkò przińc do wëznobieniô.

H.S.Sz.

Załączniki