Reklama

Co? Dze? Czedë? [18-20.06]

Kùltura

17/06/2026 19:57

18.06 (czwiôrtk) ò 5 pp. w Kaszëbsczim Mùzeùm w Kartuzach bãdze promòcjô ksążczi Tomasza Rembalsczégò „Własność szlachecka w północno-zachodnich powiatach prowincji Prusy Zachodnie w latach 1772–1834”. Jidze ò zemie dzysdniowëch pòwiatów: pùcczégò, wejrowsczégò, kartësczégò, kòscersczégò, chònicczégò, człëchòwsczégò. Czas, jaczi òpisywô aùtór w ksążce, to zôczątk prësczich rządów na Kaszëbach òd pierszégò rozbioru Pòlsczi do trzëdzestëch lat XIX stalata.

19.06 (piątk) ò 5 pp. w Zrzeszë Sztôłceniô w Łubianie Barbara Rakòwskô mdze gôda ò swòji ksążce "Moja historia Łubiany". Na kôrtach ti pùblikacje mdze mòżna pòznac Łubianã wedle aùtórczi, a mni z tipiczny historiczny analizë. Òsoblëwie rôczimë wszëtczich, co są sparłãczony z Łubianą, bò na pòtkanim na gwës mdze wiele wspòminków.

Reklama

„Scynanié Kanie” dzysô je fejrowóné w rozmajitëch placach na Kaszëbach, równak to w Strzelnie je òsoblëwé. W tã sobòtã 20.06 mdze mòżlëwòta ùzdrzec to widzałé widzawiszcze. Całô rozegracjô zaczinô so ò 5 pp. na bòjiszczu. W Strzelnie mają starã òdtwòrzëc całi òbrzãd, jak to wëzdrzało przódë lat, i są wiérny wszëtczim wspòminkóm, jaczé mómë ò tim òbrzãdze. Bãdze téż rozegracjô z artisticznyma wëstãpama, mùzyką i – je wiedzec – mdze mòżna pòszmakac lokalné jestkù.

Źródło i opracowanie własne