Wstãpno mòże rzec, że na pòlu Michela Duponta nôgwësni nie pòwstónie nowô, wiôlgô kòpalniô. Na czerpanié złota mùszą dac zgòdã służbë òchrónë strzodowiszcza.
Pòd kùńc łżëkwiata we francësczim regionie Òwerniô-Rodan-Alpë piãcdzesątdwalatny gbùr Michel Dupont òb szpacérã pò swòjim pòlu nalôzł łiszczącé grëżelczi, jaczé chùtkò òkôzałë sã bëc złotã. Miéwca pòla zgłosył nalezëszcze służbóm. Dérëjącé òd tedë geòlogiczné badérowania złożégò pòcwierdzëłë wstãpné òbtaksowania znajarzów – pòd pòlã mòże leżëc kòl sto piãcdzesąt tón czëstégò złota ò wôrtnoce sztërech miliardów eùro, co bë sã równało kòl sétmënôsce miliardóm złotëch. Ten zwësk równak nie trafi do gbùra, bò wedle francësczégò prawa złoża metalów nie słëchają miéwcóm terenów, na jaczich òstałé nalazłé, leno państwù. Nie je téż wiedzec, czë państwò sã dô na zabranié gbùrowi pòla i wëdobëcé tam metalu – pòle leżi na òbéńdze ùznóny za ekòlogiczno wôrtną, dlôte mòżebnosc czerpaniô złota je ùzanôleżnionô òd pòzytiwny òpinie znajarzów strzodowiszcza. Za baro intensywnô eksploatacjô mògłabë wedle szacënków dasc negatiwny cësk na rodã w nôblëższi òbéńdze.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie