Starżnicë są dbë, że ni ma jich ò co winowac w związkù z pòdjimniãtą interwencją. Wedle nich pò zabicym procëmnika amstaff òprzestôł bëc agresywny.
Czile dni dowsladë w Kòscérznie przë szasëje Swiãtopôłka chòdzący lózã amstaff zagrizł mniészégò psa. Swiôdkòwie nagrelë zdarzenié i wpùscëlë je do internetu. Zawiadomiony ò zdarzeni miesczi starżnicë pò przińscym na plac scwierdzëlë, że atakùjący pies ju nie je agresywny i nie je zagrôżbą dlô jinëch zwierzãt ani lëdzy. Szlë za nim, a ten jich zaprowadzył do swòjégò pana, jaczi dostôł dëtkòwą sztrôfã. Pòùczenié dostôł téż miéwca zabitégò tósza. Wedle radny Móniczi Jaskùlsczi, jakô bëła swiôdkã zdarzeniô, starżnicë przeprowadzëlë tã interwencjã ùjetno, bez sprzãtu do òbchôdaniô sã z agresywnym psã ani niżódny dbë ò tim, jak so z nim dac radã. Kòmendant miesczi starżë w Kòscérznie tłómaczi, że nie bëło brëkòwnotë, żebë pòrządkòwé służbë miałë amstaffa òdstrzelëc abò gò złapac, bò czej zwierzã òprzestôwô sprawiac zagrôżbã, a lëdze nie òkazéwają przed nim lãkù, zajic sã nim mògą rakarze. I tuwò to równak nie bëło nót, bò pies sóm wrócył dodóm. Mieskô starżô zapòwiôdô czãstszé kòntrole na szasëje Swiãtopôłka i dawac sztrôfë tim, jaczi wcyg swòje zwierzãta pùszczają lózã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie