Nie żëje białka z Miastka, za jaką w strëmiannikù służbë przesznékrowałë tësące kilométrów.
W piątk dwadzestégò piątégò łżëkwiata niedalek banowégò nasëpù kòl Wãgòrzëna jeden robòtnik prowadzący harwestera wëcynôł drzewa. Z wëszawë dwùch métrów w jedny z kùlów pò sadzónkach zmerkôł ju trëpiejącé cało starszi białczi. Pò zawiadomienim służbów te pòjawiłë sã razã z prokùratorã. Nôgwësni nalazłô tam miartwô białka to òsmëdzesątsztërëlatnô Janina Sykòra z Miastka, jakô zadżinãła dzewiãtnôstégò strëmiannika. Na ji cele nie bëło szlachów dzejaniô dzëwëch zwierzãt. Przez przeszło tidzéń służbë prowadzëłë za nią intensywną szëkbã z wëzwëskanim specjalnégò òddzélu szandarów, pòdszukòwnëch psów i helikòptera. Czej ji nalézenié wëdało sã ju môło mòżebné, służbë zmieniłë charakter dzejaniów i skùpiłë sã na badérowanim zebrónégò materiału ò zadżiniãcym. Slédny rôz miała bëc widzónô niedalek zetkaniô krajewi drodżi numer dwadzesce jeden ze Szlachã Zwiniãtëch Sztréków – nôgwësni stamtądka skrącëła w las i zabłądzëła. Ji blëżny dali prowadzëlë szëkbã na gwôsną rãkã. Ò białce ju wczasni bëło wiedzec, że chôdô na samòtné szpacérë. Rodzëzna mia ùdbóné kùpic ji elektroniczny identifikatór, ale nie zdążëła.
Twoje zdanie jest ważne jednak nie może ranić innych osób lub grup.
Komentarze opinie