Pòliticë Nowi Kaledónie ùgôdelë sã w sprawie wëdzeleniô nowégò państwa, jaczé òstónie w łączbie z Francją.
W sobòtã dwanôstégò lëpińca pòliticë z Nowi Kaledónie, zamòrsczégò teritorium Francje na Pacyfikù, pò dzesãc dniach negòcjacjów pòdpiselë kómpromisowi ùgôdënk w sprawie przińdnotë òstrowów twòrzącëch Nową Kaledóniã. Òd lat kòntrowersjowô òstôwała jich przënôleżnosc do Francje – chòc w samòstójnotowëch referendach wiedno wikszosc wëbiérała òstanié zamòrsczim teritorium, starna separatistów wcyg prowadzëła intensywną kampaniã za tim, żebë ùsadzëc swòje państwò. Łoni wëbùchła w ti sprawie rëchawa, przez jaką zdżinãło sztërnôsce lëdzy. Terô nowi ùgôdënk pòdpisóny przez òsmënôsce delegatów zakłôdô ùznanié tak przez Francjã jak przez midzënôrodną spòlëznã Nowi Kaledónie jakno państwa z gwôsną nôrodnoscą, jaczi mieszkańcë dali mielëbë francësczé òbëwatelstwò. Zacwierdzenié kómpromisu we Francje mòże sã zjiscëc pòd kùńc rokù na pòspólny sesje dwùch jizbów parlamentu, a w Nowi Kaledónie w referendum w przińdnym rokù. Òd lokalnëch welacjów w dwa tësące trzëdzestim pierszim rokù mòże wéńc w żëcé nowô welownô òrdinacjô do wëszëznów nowégò państwa.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie