Òsoblëwie awariã dało czëc w prawòbrzéżnym parce Pradżi. Rząd òdniósł sã do teòrie ò atakù z bùtna.
W piątk czwiôrtégò lëpińca w pôłnié doszło do machtny awarie sztrómù w Czesce – kòl piãcset tësący òdbiérców ni miało przistãpù do elektriczny energie w Pradze, westrzédnëch Czechach a téż òkòlim Ùscégò nad Łabą i Liberca. Stanãłë banë i elektrisze, a służbë mùszałë pòmagac lëdzóm w wëdostanim sã z triców. Do wpół szósti rësznota banów òstała w wikszoscë przewróconô, ale jesz długò wëstãpòwałë wielegòdzynné òpózdnienia. Awariô strzimała téż robòtã maszinów w rafinerie wëcmaniznë Orlen Unipetrol w môlëznie Litvinov w ùstecczim kraju – pò parcë ju wëłożoną na tasmë i przerobioną doczëznã bëło nót w całoscë spalëc. Z kòmina rafinerie lecôł baro dëchtny czôrny dim i płomienie, a zarządzëna zakładu dała do wiadë, że przëwrócenié fùlny produkcje zajimie czile dni. Premiéra Czesczi Petr Fiala przekôzôł, że awariã sprawiłë techniczné fele kôblów wësoczégò napiãcô, a służbë òdrzucëłë mòżebnosc cyberatakù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie