Sostrë francyszkanczi przez sétmë lat nie nalôżałe w òknie niżódnëch dzecy. Terô chtos òstawił tam nowò ùrodzoné dzéwczątkò.
We czwiôrtk trzecégò lëpińca kòl wpół czwiôrti nad renã doszło do pierszégò ùżëcô òkna żëcégò w Chònicach przë szasëje Ògrodowi. Òbsłëgùją je sostrë francëszkańczi òd dwa tësące òsmënôstégò rokù – òd tegò czasu zdôrzałë sã leno falszewé alarmë. Zamòntowóné tam ùrządzenié wëséłô wiadło SMS i wëkònywô aùtomaticzné télefòniczné pòłączenié. Tą razą sostra Magdaléna Pòkrzëwińskô nalazła w òknie nowò ùrodzoné dzéwczã òbwité w deczkã, jaczé wedle ni wëzdrzało zdrów. Sostrë dałë ji na miono Mariô. Wezwóné òstałë służbë, jaczé zaregistrowałë zdarzenié i zabrałë dzeckò na badérowania do bòlëcë. Jeżlë przez nôblëższé czile tidzeniów starszi dzecka nie zmienią zdaniô i nie bãdą próbòwelë dostac córczi nazôd, òstónie òna przekôzónô do adopcje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie